Psalms 111
1TOPA ▼▼ 1 Hebrew ah Hallelu Yah
phat un.A thutangte kikhopna le mihonpi kikhopna ah
ka lungsim neihzah in TOPA ka tawisang ding hi. b
2 TOPA nasepte lian a; c
tuate nuam a sa khempeuh in sutsut uh hi.
3 Ama nasepte minthanna le thupina hi a,
a thumaanna kip tawntung hi. d
4 Ama nalamdangte phawk den ding suaksak hi;
TOPA in ahileh hehpih siamin khuatuah siam hi. e
5 Amah in amah kihtate an sik a; f
a thukhun a phawk tawntung hi. g
6 A nasepte’ vangliatna ama mite tungah lak khin a,
minam dangte gam amaute a pia hi. h
7 Ama khuta a sepsate muanhuai-in thutang a; i
a thusehte khempeuh muantak hi. j
8 Tuate a tawntungin kip den a, k
muanhuaina le thutan’ na-a kisem ahi hi.
9 Amah in a mite adingin tatkhiatna guan a; l
a thukhun kipsak denin -
a min siangtho-in, lipkhaphuai hi. m
10 TOPA kihtakna in pilna kipatna hi-a;
ama thusehte a zuite khempeuh in theihtelna hoih a nei uh hi. n
A tawntungin phatna ama aa ahi hi. o
Copyright information for
ZomZIV